لندن سرائیکی پاکستانیاں دے مسائل دے حل کیتے اجلاس سݙھݨ دا فیصلہ
لندن(سرائیکی نیوز) گزرن ݙینھ پاکستانی سرائیکی پارٹی برطانیہ دے زیراہتمام پارٹی دی چیئرپرسن ڈاکٹر نخبہ تاج لنگاہ دی صدارت ءچ ایسٹ لندن الفورڈلین دے مقام تے ھک خصوصی اجلاس منعقد تھیا اجلاس ءچ پارٹی چیعرپرسن ڈاکٹر نخبہ تاج لنگاہ دے علاوہ معروف کاروبار ڈائریکٹریو دے پی سی سی آئی عطاء ساجد خان ، والھم فارست بارو دے سابق میئر کونسلر مسعود احمد ، پاکستان تحریک انصاف دے رہنما خالد ڈار ، کمیونٹی رہنما انور سعید نے شرکت کیتی، اجلاس ءچ پاکستان ءچ جاری ملکی سیاسی و سماجی صورتحال تے تبادلہ خیال کیتا گئیا ، خصوصہ طور تے سرائیکی بیلٹ دے عوام کوں درپیش مسائل تے محرومیاں دے بارے گالھ مہاڑ تھئی ، حکومت وقت توں مطالبہ کیتا گئیا کہ جنوبی پنجاب دی محرومیاں تے ترقی دے یکساں مواقع فراہم کرݨ دے انتضامات کیتے ویسن کیونکہ ھک عرصہ دراز توں سرائیکی علاقے مشکلات دا شکار ھن تے صوبے دے دیگر علاقیاں دے مقابل انتہائی پسماندہ علاقہ ھِ حالانکہ ایں ایریا ءچ تمام قسم دے وسائل موجود ھن جنہاں کوں استعمال کر تے ترقی یافتہ علاقیاں دے برابر گھن تے آیا ونج سکدے اجلاس دی آخیر ءچ متفقہ طور فے فیصلہ کیتا گئیا کہ لندن تے دیگر شہریاں نال مقیم سرائیکی پاکستانیاں دا ھک وݙا اجلاس منعقد کیتا ویسی ۔ اجلاس دا مقصد سرائیکی علاقے دے مسائل کوں اجاگر کرݨ تے ایندے بارے آگاہی فرہام کرنا ہوسی ۔ اجلاس دی تاریخ دے بارے بعد ءچ اعلان کیتا ویسی۔
