لال مسجد خالی کرݨ دی ݙیݙ لائن ختم تھیوݨ دے علاقے دی دوبارہ ناکہ بندی

0
30
لال مسجد
مسجد ءچ موجود بندیاں کوں مسجد خالی کرݨ کیتے بدھ دا ویلہ ݙیتا گئیا ھا

اسلام آباد ، لال مسجد دے سابق خطیب و امام مولانا عبدالعزیز ، انہاں دے اھل خانہ تے طلبہ کوں لال مسجد خالی کرݨ دی ھدایت ݙے ݙیتی گئی ݙیڈ لائن ختم تھیوݨ دے بعد قانون نافذ کرݨ والے ادارے ھک واری ول مسجد دے اطراف دی ناکہ بندی کر ݙیتی

ایں ضمن ءچ کیپٹل ایڈمنسٹریشن تے پولیس حکام نے سرائیکی نیوز کوں ݙسایا کہ مسجد دا گھیراو ایں سانگے کتا گئیا ھِ کہ اوتھاں موجود بندیاں کوں مسجد خالی کرݨ کیتے بدھ تک دا وقت ݙیتا گئیا ھا۔

اخباری رپورٹ دے مطابق حکام دا آکھݨ ھا کہ اتوار دے ݙینھ مولانا عبدالعزیز نال سمجھوتہ طے پا گئیا ھا جئیں دے تھت انہاں کوں جامعہ حفصہ کیتے زمین الاٹ کیتی ویسی تے او مسجد خالی کر ݙیسن البتہ مولانا دے بھنڑینجے ھارون رشید نے مسجد خالی کرݨ دا کوئی سمجھوتہ تھیوݨ دی تردید کیتی ھائی ۔ حکام دا آکھݨ ھا کہ حالیہ اقدام ترک صدر دے دورہ پاکستان تے بلاول بھٹو دی قومی احتساب بیورو نیب ءچ پیشی دے حوالے نال کیتے گئے سیکیورٹی انتظامات دا حصہ ھن کیونکہ نیب دا دفتر لال مسجد دے قریب ھِ

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.