سرائیکی ماں بولی دی تقریب، نیشنل میڈیا ڊا کوریج نہ ݙیوݨ افسوسناک ھِ ، فیصل شہزاد چغتائی

0
92

کراچی (سرائیکی نیوز۔ نوید الرحمن) سرائیکی ماں بولی دی تقریب، نیشنل میڈیا ڊا کوریج نہ ݙیوݨ افسوسناک ھِ ، تفصیل دے مطابق  ایڈیٹر سرائیکی نیوز فیصل شہزاد  چغتائی نے آکھیا کہ گزشتہ ݙینھ ٢١ فروری کوں کراچی سمیت پورے پاکستان ءچ سرائیکی قوم نال جڑے افراد نے اپنڑی زبان نال محبت دے اظہار ءچ ماں بولی ݙینھ منایا، جئیں ءچ کثیر تعداد ءچ سرائیکیاں شرکت کیتی ، بہوں افسوس دی گالھ ھِ کہ کوئی وی سرائیکی ثقافت نال جڑے تقریب تھیندی ھِ تے نیشنل میڈیا بہوں وݙے پیمانے تے مسترد کر ݙیندے۔ انہاں آکھیا کہ اے صحافت دے معیار دے منافی ہے تے صحافت دی روح کو گندا کریندے، پاکستان ءچ وسدیاں قوماں حق رکھیندن کہ او اپنڑیں زبان دا ݙینھ مناون ، اتنے وݙے پیمانے تے پروگراماں دا انعقاد تھیا لیکن ڈوکھ لگدے کہیں ٹی وی چینل نے نیشنل لیول تے کوریج نہ ݙیتی نا ہی کہیں چینل یا اخبار کوں ایندی خوشبو پھجی ۔ انہاں چیئرمین پریس کلب کراچی تے منسٹر انفارمیشن توں مطالبہ کیتا کہ سرائیکی قوم نال سوتیلی ماں والا سلوک نہ رکھا ونجے۔ الیکٹرانک میڈیا دا اتنے وڈے پروگراماں کوں نظر انداز کر ݙیوݨ بہوں افسوس ناک گالھ ھِ انہاں آخیر ءچ آکھیا کہ میں مشکور ہاں کہ اج ماں بولی ݙینھ دے موقع تے ایم ڈی گل نے پروگرام لائیو چلایا جیندے ءچ ماں بولی ݙینھ دے حوالے نال گالھ مہاڑ تھئی اے بہوں احسن گالھ ھِ لیکن ݙوجہے چینل وی ایں پاسے توجہ ݙیوون۔ صحافی دا کم ھی خبر کوں تلاش کرݨ ہوندے۔  انہاں مزید آکھیا کہ سرائیکی قوم دے نال جڑے افراد نے اپنڑاں حصہ ملایا تے انہاں تمام پروگراماں کوں سوشل میڈیا دے ذریعے پوری دنیا ءچ پھیلائے جو کہ در حقیقت کم میڈیا دا ھا، میڈیا اپنڑیں کردار کوں درست سمت استعمال کرے۔  تے تعصب دی  فضاء پیدا نہ کرے ثقافتاں سبھ دیاں سانجھیاں ھن میڈیا دا زیادہ جھکاو ویلاں جیتھوں ملن او پاسے لگا رھاندے۔

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.