بنارسی ٹھگاں دا ٹولہ افراتفری کھنڈاونڑدی کوشش وچ اے, شیبلی فراز

0
84
ٹھگاں دا ٹولہ

پاکستان اچ اج کل بنارسی ٹھگاں دا ٹولہ افراتفری کھنڈاونڑدی کوشش وچ اے ، وفاقی وزیر اطلاعات و نشریات سینیٹر شبلی فراز دا پشاور اچ میٹ دی پریس توں خطاب

پشاور۔19اکتوبر (اے پی پی):وفاقی وزیر اطلاعات و نشریات سینیٹرشبلی فراز آکھیے جو پاکستان اچ اج کل بنارسی ٹھگاں دا ٹولہ افراتفری کھنڈاونڑدی کوشش وچ اے لیکن عوام جیں 2018دے عام انتخابات اچ ایں ٹولے کوں مسترد کیتے ایں بارے وی ایں ٹولے کوں ناکامی تے نامرادی نال ڈوچار کرڈیسن ۔اے گال انہاں سنوار کوں پشاور پریس کلب اچ ” میٹ دی پریس ” توں خطاب کریندے ہوئیں آکھی اے ، سینیٹرشبلی فرازآکھیے جو پاکستان اچ موجودہ سیاسی لڑائی ڈو قوتاں دی جنگ اے ،ہک قوت او جیں 40سال ملک دے اقتدار کوں ذاتی جاگیر دے طور تے استعمال کیٹا تے ایں دوران ذاتی مفادات دی تکمیل ، اندرلے تے باہرلے ملک اثاثیں اچ ودھارے تے مال و دولت بنڑاونڑ کیتے قومی اداریں کوں تباہی توں ڈوچار کرنڑ توں وی پچھوں نہ ہٹیے جڈاں جو ڈوجھے پاسے عمران خان تے ایندی ٹیم اے جیرھی جو امانت تے دیانت دے تقاضیں دی تکمیل کریندے ہوئیں ملک کوں کرپٹ ٹولے دی تباہ کاریاں دے اثرات توں نجات ڈیواونڑ تے ایندے حقیقی ترقی تے خوشحالی دی رستے تے ٹورنڑ کیتے ڈینھ رات محنت کریندی پئی اے ۔ سینیٹر شبلی فراز آکھیا جو ایں ٹولے پہلے اسمبلیاں دے اندر رہندے ہوئیں حکومت کوں بلیک میل کرنڑ تے مخصوص ذاتی مفادات دے حصول دی کوشش کیتی ایں دوران انہاں ملکی مفاد اچ کیتی ونجنڑ آلے قانون سازی اچ روڑے اٹکا تے مجوزہ قوانین اچ من پسند ترامیم شامل کرنڑ کیتے دباﺅ پاتا جیں دی مثال ایف اے ٹی ایف متعلق قانون سازی اے تاں جو عمران خان انہاں دی بلیک میلنگ اچ آونڑ توں انکار کیتا تے اصولی موقف اپنائے رکھیا جیں پاروں پارلیمنٹ دے اندر اپوزیشن دے اوچھے ہتھکنڈے کامیاب نہ تھی سگیے تے ہنڑ اے ٹولہ ناکام جلسیں دے ذریعے حکومت کوں دباﺅ اچ پاونڑ دی کوشش وچ اے جیں کوں عوام مسترد کرڈتے ۔

LEAVE A REPLY

Please enter your comment!
Please enter your name here