سپریم کورٹ دا سندھ بلڈنگ کنٹرول اتھارٹی دے ڈی جی کوں ھٹاوݨ دا حکم

0
110
سپریم کورٹ دا سندھ بلڈنگ کنٹرول اتھارٹی دے ڈی جی کوں ھٹاوݨ دا حکم سندھ بلڈنگ کنٹرول اتھارٹی (ایس بی سی اے ) دے ڈائریکٹر جنرل ڈی جی کوں عھدے توں ھٹاوݨ دا حکم ݙے ݙیتا ، عدالت عظمی دی کراچی رجسٹری ءچ سماعت دے بعد اے حکم ݙے ݙیتا

سپریم کورٹ دا سندھ بلڈنگ کنٹرول اتھارٹی دے ڈی جی کوں ھٹاوݨ دا حکم

کراچی ۔ سپریم کورٹ نے کراچی ءچ غیر قانونی تعمیرات، تجاوزات ، زمیناں تے قبضے و دیگر معاملات توں متعلق درخواستاں تے سماعت دے بعد سندھ بلڈنگ کنٹرول اتھارٹی (ایس بی سی اے ) دے ڈائریکٹر جنرل ڈی جی کوں عھدے توں ھٹاوݨ دا حکم ݙے ݙیتا ، عدالت عظمی دی کراچی رجسٹری ءچ سماعت دے بعد اے حکم سامنڑیں آیا تے عدالت نے آکھیا کہ وزیر اعلی سندھ تمام معمالات خود ݙیکھݨ تے کہیں ایماندار افسر کوں تعینات کیتا ونجے۔ چیف جسٹس گلزار احمد دی سربراھی ءچ بینچ نے کراچی رجسٹری ءچ کراچی سرکلر ریلوے ، غیر قانونی تعمیرات ، تجاوزات ، زمیناں تے قبضے و دیگر معاملات تے سماعت کیتی ایں دوران وفاقی و سندھ حکومت دے نمائندیاں ، سیکریٹری ریلوے ، ایڈووکیٹ جنرل سندھ ، شیف سیکریٹری سندھ ، سیکریٹری بلدیات ، میئر کراچی ، کمشنر کراچی سمیت دیگر حکام پیش تھئے۔ عدالت دی سماعت توں پہل سپریم کورٹ کراچی رجسٹری دے باہر مختلف بندیاں دے جمع رھاوݨ تے اپنڑیں مطالبات دی منظوری کیتے احتجاج کیتا ، جیندے بعد چیف جسٹس دے حکم تے عدالت عظمی دے اسٹاف نے انہاں دی درخواستاں جمع کیتیاں۔

جو کجھ رستے ءچ آندے سبھ توڑ ݙیو، کراچی ریلوے دی ھاوسنگ سوسائٹیاں ہوون یا پیٹرول پمپ سب ڈھاو

واضح رھاوے کہ چیف جسٹس پاکستان نے سندھ حکومت کوں ریلوے زمیناں خالی کرواوݨ تے عمل کرݨ دا سختی نال نوٹس گھن گھیدا ، تے حکم تے عمل نا کرݨ والیاں کوں نوٹس بھیجوائے ویسن جیندے ءچ وزیر اعلی ، میئر کراچی تے سیکریٹری ریلوے دے ناں شامل ھن۔ عدلیہ دی فیصلیاں تے ھݨ تک عمل کیوں نی تھیا ، میئر کراچی کول اختیارات کینی مطلب سب کجھ تساں ھیووے ول وی تساݙے کول جواب کینی، ریلوے دی اراضی جلد خالی کرائی ونجے ریلوے سوسائٹیاں ، قبضہ مافیا توں جلد خالی کراوئیا ونجے تے کمشنر کراچی ایں کم ءچ پہل کرن، چیف جسٹس پاکستان آکھیا کہ میں تساݙے نال ٹُرداں ݙیکھداں کہ کیویں تجاوزات ختم نی تھیندے ، پیٹرول پمپاں کوں وی ڈھایا ونجےتے سرکلر ریلوے بحال کیتی ونجے

LEAVE A REPLY

Please enter your comment!
Please enter your name here