بلوچستان، سڑک دے نیڑے بم دھماکہ، چھ ایف سی اھلکار ھلاک

0
98

واقعہ پیر دے ݙینھ رات کوں صوبائی دارالحکومت کوئٹہ توں ٨٠ کلومیٹر جنوب مشرق ءچ ضلع بالان دے پہاڑی علاقیاں ءچ پیش آیا، واقعے دی ذمہ داری کہیں گروپ نی منی۔

صوبہ بلوچستان دے ضلع بولان ءچ سڑک دے نیڑے نصب بم دھماکے ءچ پیرا ملٹری فورس دے چھی اھلکار ھلاک تے چار زخمی تھئی گئے ۔ خبر رساں ادارے اے ایف پی دے مطابق اے واقعہ پیر دے ݙینھ رات کوں صوبائی دارالحکومت کوئٹہ توں ٨٠ کلو میٹر جنوب مشرق ءچ ضلع بالان دے پہاڑی علاقیاں ءچ پیش آیا۔





ڈپٹی کمشنر بولان مراد کاسی نے ڈسایا کہ سڑک دے نیڑے بم لگیا ھا جیندے ءچ فرنٹئر کور (ایف سی ) دے چھ اھلکار ھلاک تھئے ھن جبکہ چار دیگر زخمی تھئے ھن جنہاں کوں ہسپتال منتقل کر ݙیتا گئے انہاں ڈسایا کہ معمول دے گشت دے دوران گڈی بم نال ٹکرا گئی

کہیں گروپ نے ھݨ تک ذمہ داری قبول نی کیتی بلوچ علیحدگی پسند گروپاں دی طرفوں صوبے ءچ ایں طرٖ دے حملے کتے ویندے رہے ھن ، ایں مہینے دے آغاز ءچ وی سڑک دے نیڑے ایں طرح دے بم دھماکے ءچ چھ فوجی ھلاک تھئی گئے ھن جیندی ذمہ داری بلوچ لبریشن آرمی نے قبول کرݨ دا دعوی کیتا ھا ۔ افغانستان تے ایران دی سرحد نال بلوچستان معدنیات دی دولت نال مالا مال تے پاکستان دے چاراں صوبیاں ءچ سبھ توں وݙا صوبہ ھِ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.