برمودا ٹرائی اینگل ءچ غائب تھیوݨ والے جہاز دا ملبہ ١٠٠ سال بعد لبھ گئیا

0
127

برمودا ٹرائی اینگل دے نال جڑی خوفناک تے حیران کن کہانیاں دے باعث اے جگہ کئی سالہاں توں توجہ دا مرکز بنڑی ہوئی ھِ ایں علاقے ءچ کئی ھوائی جہاز تے بحری جہاز انتہائی غیر عمومی حالت ءچ غائب تھئے انہاں حادثات دے بعد ایں جگہ کوں شیطان دی مثلث وی آکھا ویندے ، آکھا ویندے کہ ١٩٢٥ ءچ نومبر ءچ جنگ عظیم دے دوران ایس ایس کوٹو پیکسی نامی امریکی بحری جہاز ایں جگہ تے غائب تھئی گئیا ھا، ایندے ءچ موجود ٣٢ مسافراں دے حوالے نال وی کوئی گالھ سامنڑیں نی آئی ایں بحری جہاد دی تلاش کئی سالاں تک کیتی گئی سائنسدان ایکوں لبھݨ ءچ ناکام تھئی گئے ھن ١٠٠ سال بعد ماہرین دی ھک ٹیم نے ایں بحری جہاز دے ملبے کوں لبھ گھیدا ، فاکس نیوز دی رپورٹ دے مطابق سمندری آثار قدیمہ دے ماہرین تے غوطہ خوراں دے ھک گروپ نے بدقسمت سݙھیجݨ والے ایں جہاز دے ملبے کوں فلوریڈا دے شہر سینٹ آگسٹین دے سمندر توں دریافت کر گھیدا ۔

ایں دریافت دی تفصیل شپریک سیکرٹس نامی سائنس سیریز دی پہلی قسط ءچ وی شیئر کیتی گئی جو ایں سال ٩ فروری کوں سامنڑیں آسی ، سیریز کوں تیار کرݨ والے سائنس چینل نے ھک بیان ءچ آکھیا کہ سمندری ماہر حیاتیات مشیل بارنیٹ نے برطانوی مصنف گائے والٹرز توں رابطہ کیتاتے ݙسایا کہ او ایں پر اسرار جہاز کوں لبھݨ ءچ انہاں دی مدد چاھندے ھیں ایندے بعد گائے والٹرز نے ایں بحری جہاز دی تمام دستاویزات جمع کیتی تے ول انہاں کوں پتہ چلا کہ اے بحری جہاز غائب تھیوݨ توں پہل آخری سگنلز ایں ویلے ݙیتے جئیں ویلے او جنوبی کیرولائنا دے شہر چارلسٹن توں لنگھا ھا ، ایتھاں اے واضح رھاوے کہ ایں بحری جہاز دا کجھ ملبہ ٣٥ سال توں پہل ایں جاء توں لبھا ھا ، چینل دے مطابق اے تمام تر تفصیلات نال جہاز دے کپتان ولیم جے میئرز دے پوتے ڈوگلز میئرز دے نال وی شیئر کیتی گئیاں جیندے عبد انہاں وی ایں گالھ دی تصدیق کیتی کہ اے ملبہ انہاں دے ڈاڈا دے جہاز دا ھی ھا ۔

خیال رھاوے کہ ٢٠١٧ ءچ نیوز ڈاٹ کام نامی ویب سائٹ نے دعوی کیتا ھا کہ برمودا ٹرائی اینگل دے وجہہ توں ١٠٠ سال پہلے والا ھݨ تک ھک ھزار توں زائد بندے اپنڑیں جان دھوھ چکے ھن ، ٢٠١٨ ءچ برطانیہ دے ھک سائنس دان نے اے خدشہ وی ظاہر کیتا ھا کہ ھک خوفناک قدرتی لہر وی برمودا ٹرائی اینگل کوں پر اسرار بنڑاوݨ دی وجہہ تھئی سکدی ھِ واضح رھاوے کہ فلوریڈا ، برمودا تے پیورٹو ریکو دے سمندرے خطے دی تکون کوں برمودا ٹرائی اینگل دا ناں ݙیتا گئیا ھِ سالہاں توں سائنسدان تے دیگر حلقے ہر طرح دے نظریات پیش کریندے رھے تاکہ اوتھاں پر اسرار گمشدگیاں دی وضات کیتی ونج سکے۔

 

 

سائنسداناں دا اے وے منݨ ھِ کہ پیورٹو ریکو ، فلوریڈا تے برمودا دے درمیان واقعے سمندری تکون دا راز اوتھاں دی ١٠٠ فٹ بلند تیز لہراں ءچ لُکیا ھِ ماضی ءچ امریکی سائنسداناں نے اے خیال وی ظاہر کیتا ھا کہ ایں خطے دے اُتے کھینڈے شش پہلو بادلاں دا ممکنہ طور تے بحری جہازاں تے طیاراں دی گمشدگی دی وجہہ بنڑدے۔

LEAVE A REPLY

Please enter your comment!
Please enter your name here