بحیرہ عرب ءچ ھوا دا دباو شدید طوفان وایو ءچ تبدیل تھئی گئیا ھِ اے طوفان کراچی توں 650 کلو میٹر دور

کراچی(سرائیکی نیوز) بحیرہ عرب ءچ ھوا دا دباو شدید طوفان وایو ءچ تبدیل تھئی گئیا ھِ اے طوفان کراچی توں 650 کلو میٹر دور ھِ تے ایندا رخ گجرات تے سندھ دی طرف ھِ ایں طوفان دی سب توں زیادہ ھوا ٥٠ ناٹ دی رفتار نال آندی پئی ھِ  بحیرہ عرب ءچ کنڈیشن انتہائی سازگار تھیوݨ دی وجہہ توں اے طوفان وایو اگلے ٢٤ گھنٹے تک کیٹیگری ٢ ءچ تبدیل تھئی ویسی ۔ اے طوفان پرسوں گجرات تک آ ویسی ، کل توں سندھ ءچ بادلاں دے آوݨ دا آغاز تھئی چکے۔

سندھ دی ساحلی پٹے تے لہراں ودھݨ کل رات توں ودھݨ شروع تھئی گئیا ھن ۔ سمندری طوفان دے زیادہ ٹکراوݨ دےا مکانام کچ تے کیٹی بندر دے نیڑے علاقیاں نال ھن جیندی وجہہ نال اُتھاں طوفانی بارشاں دا امکان ھِ

کراچی ءچ کل توں شدید گرمی دا آغاز تھئی ویسی زیادہ نمی تے درجہ حرارت ٤٠ توں ٤٢ ڈگری تھیوݨ دی وجہہ توں ھیٹ سٹروک دے امکانات زیادہ ہوسن، احتیاط کیتا ونجے تے ٹھڈے مشروبات دا استعمال کیتا ونجے ۔

Similar Posts

Leave a Reply

Your email address will not be published. Required fields are marked *