ایس ڈی پی دے چیئرمین کو کہیں مدعو نی کیتا، ترجمان پی ایس پی

0
254
pakistan-saraiki-party

جلال پور پیروالا (سرائیکی نیوز)پاکستان سرائیکی پارٹی دے ترجمان ملک جاوید چنڑ نے گزرن ݙینہوار سرائیکستان ڈیموکریٹ پارٹی دے میڈیا سیل دی طرفوں جاری تھیوݨ والے بیان دی وضاحت کریندے ہووے آکھیا کہ پارٹی دی طرفوں ایس ڈی پی دے چیئرمین رانا فراز نون کوں کوئی دعوت نامہ جاری نی کیتا گئیا ، شعیب نواز بلوچ سٹی صدر پی ایس پی ملتان دی طرفوں دعوت نامہ دی ذاتی حیثیت تان تھئی سکدی ھِ لیکن پارٹی پالیسی کینی، ترجمان نے ایں گالھ دی وضاحت کیتی ھِ کہ پاکستان سرائیکی پارٹی جلال پور پیروالا دی تنظیم دی طرفوں کنونشن تے تنظیمی اجلاس ءچ صرف پارٹی عہدیداران تے کارکنان شرکت کریسن۔

اجلاس دی صدارت چیئرپرسن ڈاکٹر نخبہ تاج لنگاہ کریسن جبکہ مہمان خصوصی مرکزی صدر ملک اللہ نواز وینس ہوسن ، ایندے علاوہ ݙوجہے مرکزی و صوبائی عہدیدار تے کارکن وی شرکت کریسن ، شعیب نواز بلوچ کوں کہیں دیگر تنظیم یا سیاسی جماعت دے عہدیداراں کوں سنیا ݙیوݨ دا کوئی اختیار نی بنڑدا تا نہ ہی پاکستان سرائیکی پارٹی دی کوئی ایہو جئی پالیسی ھِ

شعیب نواز بلوچ نے اپنڑیں اختیارات توں تجاوز کریندے ہووے دعوت نامہ جاری کیتا ھِ جو کہ پارٹی دے آئین دی روح نال سنگین خلاف ورزی ھِ پاکستان سرائیکی پارٹی نے شعیب نواز بلوچ کوں خلاف ورزی کرݨ تے شوکاز نوٹس جاری کر ݙیتا ھِ جیندے ءچ انہاں توں ھک ہفتے دے اندر وضاحت طلب کر گھیدی ھِ کہ پارٹی کوں وضاحت ݙیوون بصورت دیگر عہدے توں معطل کر تے بنیادی رکنیت وی منسوخ کر ݙیتی ویسی

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.